HINDI pa rin ako mapakali habang nakaupo rito, damang-dama ko pa rin ang alaga ni Conrad na tumama sa akin kanina. Hindi naman manipis ang suot ko para madama ko iyon nang husto.
“Fran, are you okay?”
Napalingon ako kay Bella at palihim na napalunok. “Um, ah, okay lang naman ako. B-bakit mo natanong, Bella?” Pilit kong pinapakalma ang aking sarili pero hindi ako mapalagay talaga.
“Akala ko masama ang pakiramdam mo dahil sa nangyari kanina,” sabi niya sa akin.
Napanganga ako sa kanyang sinabi at tumawa nang mahina. “Sira, Bella! Saka hindi ko naman magagamit iyong napanalunan niyo kanina,” bulong na sabi ko sa kanya.
Napa-aray ako nang hampasin ako ni Bella sa aking hita. Malakas iyon, ha?
“Sira ka talaga, Fran!” madiin na sabi niya sa akin.
Natatawang napatingin tuloy ako sa kanya.
