ADVICE
XYRELLE GRACE VERNAULA
MASUYONG paghaplos sa buhok ang gumising sa diwa ni Xyrelle ngunit hindi nagpadilat sa kanyang mga mata. Linggo naman kaya't pwede siyang mahiga sa kama kahit hanggang anong oras niya man gustuhin. Hinayaan niya lang ang paghaplos dahil nakararamdam siya ng kapayapaan at kaligtasan. Napangiti siya nang maalala ang kanyang ina na laging gumagawa niyon sa kanya. How she misses her mother? Kailan kaya sila ulit magkikita?
"Baby." Mabilis na nagmulat ng mata ang dalaga nang marinig ang boses na iyon. Kilalang-kilala niya kung sino ang may-ari niyon at hindi siya pwedeng magkamali. Si Elixir! Nasa kwarto niya si Elixir! Kaagad siyang bumangon sa pagkakahiga at hinila ang kumot hanggang sa kanyang dibdib upang matakpan ang kanyang katawan sa paningin ng binata
