FAVOR
XYRELLE GRACE VERNAULA
KASALUKUYANG tinutulungan niya si Manang Loy na magligpit ng pinagkainan habang si Elixir naman ay kausap ang mga pinsan nito tungkol sa negosyo. Nandoon na naman ang limang kalalakihang nakilala niya noong nakaraang araw. Kanina ay wala siyang kawala sa magtiyuhin dahil hindi pa man uwian ay namataan niya si Barrett sa labas ng kanyang classroom at nang tanungin niya ito kung bakit ito naroon ay pilosopo at maikling, "Hinihintay po kayo." ang natanggap niya. Napangiti siya nang maalala iyon at ang mukha nitong masayang-masaya sa niluto niyang hapunan. Kumportable na siyang gumalaw sa kusina ng bahay dahil dalawang beses na siyang nakapagluto roon. Napagpasyahan niyang bukas na bukas din ay uuwi na siya. Nahihiya na siyang manatili pa rito at baka hinahanap
