Matapos ang matagumpay na debut party ni Santa ay sunod naman niyang pinagkaabalahan ang kanyang final exam. Kaya hindi niya masyadong pansin ang hindi pagdalaw ng kanyang Ninong Leon.
Idagdag pang naging malapit talaga sila ni Dexter kahit pa masasabing ito ang pinakamahigpit niyang katunggali para sa unang pwesto ng parangal.
"Santa, hindi ko alam kung papaano sasabihin ito pero matagal na kitang gusto," amin ni Dexter sa kanya.
"I know," turan naman agad ni Santa.
Tila nagulat pa ang lalaki sa kanyang sinabi.
"Paano mo nalaman?" untag ni Dexter sa kanya.
"Masyadong halata," turan niyang natatawa.
"Ay, obvious pala," nangingiti na ring segunda ni Dexter.
"Joke lang," bulalas ni Santa nang mapansing tila paniwalang-paniwala naman ang lalaki. "Napansin ni Lailani, mukhang iba nga
