PASADO alas-nuwebe y medya ng gabi. Katatapos lang mag-inject ng insulin si Iris. Hindi pa naman dinadalaw ng antok ngunit nakaupo na siya roon sa kamat at nakasandal sa headboard habang nagbabasa ng libro. Ilang sandali pa ay tumunog ang kanyang phone. Agad sumilay ang ngiti niya sa labi nang makita ang pangalan ni River.
“Hi, still awake?” tanong nito sa text message.
“Gising pa.”
“Come out. Nandito ako sa labas.”
Biglang nanlaki ang mata ni Iris at mabilis na bumaba ng kama. Palabas na sana siya ng kuwarto nang maalala na pantulog na lang ang kanyang suot at walang bra sa loob. Mabilis na nagsuot siya ng panloob at pinatong ang bathrobe.
Nang buksan ang pinto, bumungad sa kanya si River. Dali siyang lumabas at inalis ang padlock ng gate.
“Anong ginagawa mo dito?” gulat na ta
