MALALIM na ang gabi. Ang huling tingin ni Iris sa oras ay mag-aalas dose na ng hatinggabi. Kanina pagdating nila doon sa penthouse ni River, kumain lang sila ng dala nilang pagkain pagkatapos ay sabay silang naligo at mula doon ay muli siyang inangkin nito.
Muli ay buong puso niyang binigay ang sarili dito. Paulit ulit nilang pinaramdam ang pagmamahal nila para sa isa’t isa. Sa bawat pag-iisa ng kanilang katawan ay mas lalo niyang minamahal si River. Matapos ang huling beses nilang pagtatalik ay nakatulog na ito. Samantala siya naman nagbihis ng pantulog at lumabas ng silid para pumunta sa kusina para kumuha ng tubig. Pabalik na siya sa kuwarto nang mapatingin sa labas matapos mapansin ang pagpatak ng ulan.
Lumapit siya sa glass wall at pinanood ang pag-agos ng tubig doon mula sa ulan.
