Matapos niyang sigawan si Juan ay kaagad din siyang nagsisi at napaatras habang lumapit pa ito sa kanya. “Look, I’m sorry, pero hindi tama itong ginagawa mo!”
“So ano ang dapat kong gawin? Na hayaan kong ako ang lokohin ng mga babae? Mga laruan lang sila, Taling. Ikaw talaga ang gusto kong makasama palagi,” giit ni Juan.
“Naririnig mo ba ang sarili mo? Ginagawa mong laruan ang mga babae, Juan. Kailanman ay hindi magiging tama itong ginagawa mo,” paalala ni Natalie sa mahinahon na boses ngunit sa loob niya, gusto niya itong pagmumurahin ng husto.
“Hindi ka magiging isa sa kanila,” sabi ni Juan.
“Ewan ko, Juan. Sa ngayon, gusto ko na lang munang magpahinga. Saka na tayo mag-usap,” sabi ni Natalie at hiniling niya kay Juan na iwanan muna siya nito upang bigyan siya ng sapat na panahon
