أحببت عجوز

الفصل التاسع عشر(19)

بعد انتهاء الطبيب من فحص معتز واعطاه بعض الادويه

الطبيب: لا انت دلوقت كويس الحمد لله الضغط تمام بس عايزين يومين راحه وبلاش انفعال تمام

معتز : تمام يادكتور احنا تعبينك معانا

الطبيب: تعب ايه بس يارجل ..تعبك راحه.

فى نفس الوقت جاء هيثم ليطمئن على معتز طرق الباب ودخل وسلم على الطبيب..

هيثم :ازيك يادكتور .

الطبيب :الحمد لله

هيثم :طمنى على معتز يادكتور

الطبيب :لا تمام .بس المهم بلاش اجهاد

هيثم: وهو ينظر لمعتز سامع

معتز يبتسم

ثم انصرف الطبيب ..وبعد ان اوصله هيثم للخارج عاد الى معتز

هيثم:طمنى عليك دلوقت عامل ايه

معتز :الحمد لله احسن بكتييير

هيثم :طب الحمد لله

معتز : بقولك ايه متيجى ننزل تحت فى الجنينه لحسن انا اتخنقت من نومه السرير دى

هيثم:بس كده غالى والطلب رخيص يلا بينا

فى الجنينه

هيثم : قولى بقي ..عملت ايه ..لما سمعت حكايه ايه ايمى

معتز : وهو يبتسم. ..انا حتجوز ايمى ياهيثم

هيثم:ههههههه والله كنت متوقع

معتز:بتضحك ليه يارخم

هيثم: عادى والله دانا فرحنلك ..عالعموم هى بنت غلابنه وشكلها اتعذبت كتييير ..وربنا كرمها بيك ....الف مب**ك ياصاحبى

معتز:الله يبارك فيك ...بس فى حاجه عايزك تعملها ياهيثم قبل ماتجوزها...

هيثم :حاجه ايه؟؟؟

وشرح معتز له ما يجب ان يتم عمله لكى يرد كرامه ايمى وكرامة وعائلتها امام الناس كلها

هيثم :تمام ...حظبطلك كل حاجه متقلقش

معتز :وفى حاجه كمان ياصاحبى

هيثم :هاممم طالباتك كترت

معتز: معلش بقى هوانا ليا حد غيرك

هيثم :بهزر يبنى معاك

معتز :مانا عارف ...بس انا فعلا تقلت عليك

هيثم: ايه يامعتز احنا مش اخوات ولا ايه

معتز : ربنا يديم المحبه يارب

هيثم :يارب ...هاه قول حاجه ايه

معتز : عايز اعمل حفله خطوبه على الديق كده لايمى ...عايزك بقى تجبلى شبكه على ذوقك عايز احسن حاجه .....وحسبلك انتى بقي تظبطلى حفله حلوة ..تمام .اه وياريت تبعتلى اسراء تروح معاها عشان تنقى معاها الفستان وتشترى الحاجات ال عايزاها ..وعندما ذكر معتز اسراء وجد هيثم ملامحه اتغيرت ....

معتز باستغراب : مالك ياهيثم فيه ايه

هيثم وهو يزفر بضيق :ابدا مفيش متشغلش بالك انت خليك فى الانت فيه..

معتز :يبنى قول مالك وشك قلب كد ليه لما جيبت سيرة اسراء هو انتو متخانقين

هيثم :لا .......انا طلقتها

معتز بمفاجاه وانزعاج: اييييييه؟؟؟ ليه كده يبنى ايه ال حصل؟؛

هيثم : عشان تعبت يامعتز، وانا حاسس انى كل مرة بفرض نفسي عليها..ولما كنت بشوف فى عنيها نظرات الرفض ليا ...بتقطع من جوايا ...واصبر نفسى واقول بكرة تحس بيا ...بكرة العشرة تخليها تتقرب منى ...حتى لما كنت انوى انى ابعد عنها عشان كرمتى بتتعب من رفضها ليا ...اول مكنت بشوفها ...كنت بنسى كل حاجه بنسى رفضها ليا ...بنسى نظرة اللوم منها لانى اجبرتها على الجواز منى ....بنسى د معه فى عنيها بتحاول تخفيها لما كنت باخدها فى حضنى بنسى كل حاجه ...وافتكر حاجه واحده بس انى اضمها لقلبى ال ميهداش غير لما تبقى قريبه منه ...صعب اووووى يامعتز انك تحس ان حبيبتك رفضاك وكرهه عيشتها معاك ....عشان كده طلقتها ...واديتها فرصه تفكر من جديد لو عايزة تقرب حفتحلها قلبى من جديد على الاقل حتبقى رجعالى باردتها ومن غير اى ضغط منى او من حد .....وقال والم الخوف ينهش فى قلبه وووولو ...اختارت تبعد .....الله يسهلها بقى وربنا يسعدها ...ثم مسحه دمعه فرت رغم عنه الذى حاول كتمانها ولم يستطع

معتز بتأثر : مش عارف اقولك ايه على العموم ربنا يهديها المهم انت تكون مقتنع بالعملته واى كانت النتيجه متخليش ده ياثر عليك

هيثم : متقلقش عليا ...سيبها على الله

معتز....باسف ونعم بالله

هيثم.. حقوم انا بقى وحبعتلك اسراء بكرة ...على العصر كده كويس وعلى الليل تكون كل حاجه جاهزة

معتز بامتنان : ربنا مايحرمنى منك يارب

هيثم : ولا منك ....يلا سلام بقى

معتز سلام ...... وتالم من اجله ...ربنا يهدهالك يارب

جاءت ايمى الى معتز بعد ما ابلغتها فاطمه انه يريدها فى امر ما

ايمى : السلام عليكم

معتز : وعليكم السلام ورحمه الله وبركاته

ايمى : الدكتور قالك ايه

معتز برومانسيه : قالى انك متبعديش عنى تانى

ابتسمت فى خجل : لا بجد قالك ايه؟

معتز الحمد لله كويس بس نصحنى بالراحه وكده

ايمى :الحمد لله

معتز :انا جعان ماكلتش حاجه من امبارح تتعشى معايا؟ ولا اموت من الجوع

ايمى وهى تنهض : حاضر حالا اقوم احيبلك عشى

فامسك معتز يدها واعادها لمقعدها وهو يقول : رايحه فين امال فاطمه بتعمل ايه ؟

نظرت الى يده القابضة على يدها بحنيه وتملك فشعرت بقشعريرة وخدر يسرى فى جسدها فسحبت يدها وقد تورد وجهها

معتز : فاطمه فاااطمه

فاطمه : نعمين ياسى معتز

حضرلينا العشا يافاطمه انا وايمى

فاطمه حاضر من عنيه تأمر بحاجه تانيه

معتز وهو ينظر لايمى : ايوة عايزك بقى بكرة انتى و باقي الشاغلين تجهزو الفيلا عشان حفله خطوبتى انا وايمى

فاطمه تفاجأت لكنها ابتسمت بفرحه وزغرطت : الف مب**ك مشاء الله ..لولولولولولولولولوى

معتز : الله يبارك فيكى ..روحى بقى حضرى العشا بسرعه

فاطمه :حاضر من عنيه يالف نهار ابيض

اما ايمى فقد تسمرت من المفاجاه ونظر معتز لعينيها يغوص فيها ويبحر فى جمالها...فوجدها تقول وهى غير مستوعبه

ايمى : خطوبتنا . بكرة؟؟

معتز :ايه ...نلغيها ...نخليها دخله علطووول؟

ايمى بنظرة عتاب وقد انصهرت خدودها من الخجل :معتز

معتز : يعنى ..خير البر عاجله

ايمى :يسلام .....بس بكرة علطول كده انا انا مش مهيئه خالص

معتز: قدامك 24 ساعه تحضرى نفسك ..وعلى فكرة اسراء مراة هيثم بكرة حتجيلك عشان تخروجو تشترى معاكى الفستان وكل ال يلزمك

لا تنكر ايمى ان قلبها رقص من الفرحه فابتسمت له بفرحه وامتنان

ايمى:يعنى مكنش ينفع نأجلها يوم ولا يومين كمان

معتز : ششششش الأكل وصل

وجاءت فاطمه بصنيه العشاء ووضعتها امامهم ..وهى تقول :ربنا يسعدكم ويهنيكم يارب..

معتز: يلا

ايمى :يلا ايه؟

معتز اكلينى

ايمى :ايييه؟؛

معتز :ايه ..اييه ؟؛عيان وعايز حد يأكلنى.

ايمى: انت بتدلع بقى

معتز : لا والله ....انا نفسى فعلا تاكلينى بايدك ...عشان خاطرى

ايمى ب**وف : ايوة بس

معتز : بس ايه هى حاجه صعبه .....يلا

ايمى :امرى الى الله ثم اخذت مل*قه شربه وقربتها من فمه

ف*ناول معتز يديها وشرب من المل*قه وهو يقول .....اللله ربنا يخليكى ليا ياماما

اهتزت يداها بين يديه وهى تقول :ماما؟

معتز وهو يقبل يديها :ايوة انتى دلوقتى ماما. ال بتاكلنى بايدها

فنزعت ايمى يديها من حضن يديه :وامتى اكون ايمى؟؛

معتز :ماما حبوسها من ايدها كده اهو ويقبل يدها وقبلها ....لكن ايمى حبوسها من هنا ووضع اصبعه على شفتيها .....ياااااه انا نفسى ابوس ايمى اوووى

اخفضت ايمى بصرها وقد ذابت خجلا وقالت لتنهى حرجها : الاكل برد قل بقى

فابتسم معتز بحب ولم يرغب فى اثارة خجلها اكثر من ذلك. واسدل الليل ستاره على الحبيبين الذى ناما كل منهما فى حجرته وهو فى قمة السعاده الدنيا

سهير عدلي.

تعليقات حلوة كدة بقى زيكم