CHAPTER TWENTY THREE
1260 Words
"HINDI mo naman kasi kailangan na akuin ang trabaho na gusto ni Vanessa. Kaya kong protektahan ang sarili ko," sagot ko pa kay Ivann. "Dahil sa ginawa mong 'yan ay maiipit ka lamang sa sitwasyon lalo na kung hindi mo naman ako papatayin," wika niya pa kay Ivann.
"Bakit parang kasalanan ko pa? Kasalanan ko pa na gusto kong iligtas ka?" tanong sa kanya ni Ivann.
"Ako naman ang pakinggan mo Ivann. Kaya gusto kong 'wag kang lumapit sa akin dahil ayokong sayo mabaling ang galit ni Frank. Seloso siya. Mabuti nga at wala akong bodyguard ngayon dahil kung nagkataon ay hindi pwede ang lahat ng ito. I'm thankful na gusto mo akong iligtas pero ano ang gagawin natin? May plano ka ba?"
"Sorry kung hindi ako nag-isip na at inako na lang ang trabaho na patayin ka. Hindi ko alam ang gagawin ko kasi. Wala akong oras para mag-isip. Paano kung huli na ang lahat?"
"Sa tingin mo kaya niya akong patayin na kasama ko ang asawa niya?"
"Oo naman. Hindi sa lahat ng oras ay kasama mo si Frank. Tulad na lang ngayon. Paano ka niya proproteksyonan?"
"Mahal ako ni Frank at hindi niya ako pababayaan," ani niya pa kay Ivann. "Umuwi ka na Ivann at tawagan mo si Vanessa at sabihin mo na nagbago na ang pasya mo. Tell her na ayaw mo na at hindi mo kaya."
"Imposible ang sinasabi mo Candice. Babawiin ko ang sinabi ko pagkatapos niyang ibigay sa akin lahat ng impormasyon na kailangan ko? Pagkatapos kong malaman na siya ang mastermind kung sakali man na magtagumpay siyang ipapatay ka? Hindi ka na ba talaga nag-iisip? Nasa panganib ang buhay mo."
"Ano ang gagawin ko? Hindi ko na alam, Ivann," gulong-gulo ang isip niyang sagot.
"Gusto ni Vanessa na patayin kita sa lalong madaling panahon," ani pa ni Ivann sa kanya. Muli siyang natigilan.
Paano nga kung magtagumpay si Vanessa? At bakit si Ivann pa ang dapat na pumatay sa kanya?
"Hindi mo naman siguro ako papatayin hindi ba?" tanong niya sa lalaki.
"Hindi ko magagawa 'yun kahit pa sampung milyon ang ibinayad niya sa akin."
"Ten million?" bulalas niyang tanong.
"Ganyan kalaki kapalit ng buhay mo. She wants to make sure that I don't reject the offer----at para magtagumpay siya na patayin ka. Wala siyang pakialam sa pera kahit gaano man kalaki."
"Gusto niya ngang patayin ako," sagot niyang napatango. Nakadama siya ng takot.
"Kahit hindi mo aminin alam kong natatakot ka. Tutulungan kita Candice."
"Anong tulong? Magtatago ako? Paano si Papa? Ang mga pamilya ko?" tanong niya kay Ivann kung kaya hindi ito nakakibo.
"Kailangan natin pag-isipan ng mabuti ang lahat ng ito Candice. Isang pagkakamali lang natin ay pwedeng maghinala si Vanessa na wala talaga akong plano na patayin ka. Sa ngayon humingi ka ng bodyguard kay Frank. Bahala ka na kung ano ang idadahilan mo sa kanya pero kailangan mo 'yun for your safety. Ako na rin ang bahalang mag dahilan kay Vanessa pero Candice hindi pwedeng hindi mo sinasagot ang mga tawag ko."
"Paano ko naman kasi sasagutin kung kasama ko si Frank? You can text me pero bigyan mo ako ng oras para sagutin ka," ani niya pa.
"Sige."
Namagitan ang katahimikan sa kanilang dalawa. Kapag sila nahulog sa malalim na pag-iisip. Pareho nang nasa panganib ang kanilang buhay. Kung may banta ang buhay niya kay Vanessa ay magkakaroon din ng banta sa buhay ni Ivann kapag hindi nito sinunod ang inuutos ni Vanessa. Okay lang sana kung siya lang ang mapahamak pero si Ivann? Hindi naman nito deserve na madamay sa magulo niyang buhay.
"Paano kung mapahamak ka dahil sa pagliligtas mo sa akin? Pati ang trabaho ninyo ay madadamay. Ikaw na rin ang nagsabi na makapangyarihan ang pamilya ni Vanessa at kaya niya tayong gawing mataba ng lupa sa isang iglap lang, Ivann. Ayoko naman na pati ikaw na handang tumulong sa akin ay madadamay pa."
"Sa ayaw at gusto mo ay damay na ako Candice. At tama ka magiging pataba tayo ng lupa kapag nagkataon," sagot pa ni Ivann sa kanya.
"Okay lang kung ako pero ikaw? Hindi mo deserve ang magulong buhay."
"Mahal mo ba si Frank?" tanong sa kanya ni Ivann kay napatingin siy sa lalaki.
"Gusto kong gawin pero hindi ko magawa. Paano ko mamahalin ang alagad ng demonyo? Hindi ko kaya na maging kabit lang. Isa pa, kilala ko si Frank. Masama siyang tao. Nakulong si Daddy dahil sa illegal nilang gawain. Illegal ang negosyo nila Ivann at walang sino man ang makakapagpabagsak sa kanila lalo na at marami silang konekyon. Noon pa naman ay alam ko ng obsessed sa akin si Frank. Sinubukan kong iwasan siya. Nagtrabaho ako at gumawa ng sarili kong mundo pero ginamit niya ang Daddy para makuha niya ang kanyang gusto at ngayon na ipit na ipit na kami ay wala na kaming magawa kundi ang kumapit sa kanya," mahaba niyang sagot kay Ivann. "Ikaw? Bakit mistress hunters ang naging trabaho mo?"
"Galit ako sa mga kabit na sumisira ng pamilya," sagot sa kanya ni Ivann kung kaya natahimik siya. Tagos sa buto ang sagot ng binata sa kanya. "Iniwan kami ni Papa dahil sumama siya sa kanyang kabit at dahil dun ay nagpakamatay si Mama. Mga bata pa kami no'n kung kaya kitang-kita namin ang naging paghihirap ng aming ina. Tinatak namin sa mga isip namin na wala ng pamilya ang masisira dahil sa mga kabit kaya nabuo kami ng grupo at tinawag namin THE MISTRESS HUNTERS," mahabang sagot sa kanya ni Ivann. "Kapag naaayos namin ang case na hawak namin nakakaramdam ako ng fullfillment dahil nakatulong kami."
"Kung ganun ay galit ka rin sa akin dahil kabit ako?" tanong niya kay Ivann kaya napatitig ito sa kanya. "Okay lang... Naiintindihan ko naman at may dahilan ka para magalit."
"May panahon pa naman para magbago Candice. Iwan mo si Frank at magsimula ng bagong buhay."
"Paano? Huli na Ivann. Pati nga kaluluwa ko ay kulang pang pambayad sa kanya at ngayon pati ang asawa niya ay dumagdag pa sa iisipin ko. Baka kapag nakipaghiwalay ako kay Frank baka siya na ang papatay sa akin. Ngayon pa nga lang ay sinasaktan niya na ako," ani niyang hindi makatingin ng deretso kay Ivann.
"Sinasaktan ka niya? Bakit mo pinapayagan na mangyari yun?"
"Kasalanan ko rin naman dahil hindi ako sumusunod sa mga gusto niya."
Nilapitan siya ni Ivann. Nagulat pa siya ng yakapin siya ng lalaki. Lahat ng pangamba sa kanyang puso ay nawala dahil sa mga yakap ni Ivann. Ang makulong sa mga bisig nito ang palagi niyang hinahanap.
"Bakit mo ito ginagawa, Ivann?" tanong niya sa lalaki habang nakayakap ito sa kanya.
"Hindi ko alam. Ang alam ko ay gusto ko ang ginagawa ko. Gusto kitang ikulong sa mga bisig ko Candice."
"Pero isa akong kabit," sagot niya pa.
"Hindi ka kabit... Sabi mo nga ay wala ka lang choice. Hindi mo ginusto kung ano man ang kinalalagyan mo ngayon dahil ang alam ko sa isang kabit ay masaya na may sinisirang pamilya," wika pa sa kanya ni Ivann. Dahil sa sinabi nito ay gumanti siya ng yakap sa lalaki na may ngiti sa labi.
"Nahihiya ako sayo, Ivann. Wala na akong maipagmamalaki pa sa kahit sino. Pakiramdam ko ay napakarumi kong babae."
"Tutulungan kita, Candice. Hayaan mong tulungan kita total ay nandito naman na ito. Sabit na ako sayo kahit pa tumanggi ka."
Hindi na siya sumagot pa sa sinabi ni Ivann. Ipinikit niya na lamang ang kanyang mga mata at napaluha. Hindi na siya nag-iisa ngayon dahil kay Ivann. Kahit walang sila.
- Writer
