PINANOOD KO ANG lumalayong bulto ni Jethro hanggang sa mawala sa paningin ko. Wala naman akong magagawa kung kailangan niyang umalis dahil may meeting siya. Work was work and knowing him, wala siyang palalampasin.
“O Ate, nasaan si Kuya Jethro?” tanong ni Hazel at kasunod niya si Ate Trining. Sina Manang ay gising na rin at may dalang kape.
“E, may maagang meeting kaya nagmamadaling umalis.”
“Sayang naman ang niluto mo.”
Ngumiti ako at nagkibit-balikat. “Business ’yon e. Pero ininom naman niya ang kapeng itinimpla ko. Okay na ’yon. Mabuti pa magluto tayo uli para sabay sabay na tayong mag-agahan.”
Hazel and I cooked breakfast while the rest of them did their routine and cleaned up a little. Masaya kaming kumain ng agahan at ako rin ang naghugas ng pinagkainan namin. In such a short
