#TheOtherTwinsRevenge
CHAPTER 37
JUAN MIGUEL SEVERINO’S POINT OF VIEW...
Magkatabi kami ni Jass ngayon sa ibabaw ng kama. Nakatalikod siya ng higa sa akin habang ako naman ay nakaupo at nakasandal ang likod sa headboard ng kama, nakatingin sa kanya.
Napabuntong-hininga ako. Alam kong hindi pa siya tulog. Hindi siguro siya makatulog dahil sa naging pagtatalo namin.
Hindi ko naman sinasadya na pagsalitaan siya, ewan ko ba pero nabaling kasi sa kanya ‘yung inis na nararamdaman ko kaya siya ang napagbuntunan ko.
Muling akong napabuntong-hininga.
“I’m sorry.” Pauna kong sabi. Nakita kong bahagya siyang gumalaw sa sinabi ko pero hindi pa rin ako hinaharap. “Alam kong nasaktan kita sa mga naging pahayag ko sayo... pasensya ka na kasi naging gago ang pakikitungo ko
