Mula sa waiter na may dalang tray ay kumuha ng isang kopita si Celina. Akmang iinumin na sana n'ya iyon nang bigla itong kunin ni Lucas mula sa kanya. Napasimangot si Celina. Inisang lagok lang iyon ni Lucas.
Iginiya siya ng binata sa isang mesa kung saan sila mauupo. Nang mapansin ni Celina ang oras ay agad siyang nagpaalam saglit kay Lucas. Kailangan na niyang puntahan ang kanyang ina para makapagbihis na siya. Mabuti nalang at pumayag agad si Lucas. Bahala na kung ano'ng isipin nito. Malapit nang mag-umpisa ang masquerade party.
Halos liparin ng mga paa ni Celina ang likuran ng malaking stage. At nakita nga niya roon ang kanyang ina. Nakangiti ito nang makita siya.
"Astraea, anak magbihis ka na, andiyan na ang mga make-up artist at ang designer nang isusuot mong damit, pumili ka nal
