Mabuti nalang at nailigaw ni Lucas ang mga humahabol sa kanila. Agad na kinuha niya ang cellphone at saka may tinawagan. Napasulyap siya kay Celina. Halatang hindi pa ito nakakahuma sa insidente.
Nagpakawala nang marahas na hininga si Lucas. "Are you okay?" tanong ng binata sa hinihingal na dalaga.
Napasulyap si Celina sa binata at saka tumango. Napasapo siya sa sariling dibdib. Pagkatapos ay inabot sa kanya ni Lucas ang isang bottle ng mineral water, agad niya iyong kinuha mula rito at saka mabilis na ininom. Sh-t! She was still in shock.
Biglang huminto ang kotse nang binata sa isang condo-unit. Sumunod lang si Celina sa binata. May kinuha itong swipe card. Nang makalapit na sila sa pintuan ng unit nito ay in-swipe nito iyon at saka awtomatikong bumukas ang pintuan ng condo unit ng
