Araw ng Sabado kaya naisipan ni Celina na pumasyal sa inang si Carolina. Bago pa man siya tuluyang makababa mula sa hagdanan ng kanyang apartment tumunog ang kanyang cellphone. Hindi na siya nag-aksaya pang tingnan ang caller. Agad niya itong sinagot.
"Celina," narinig n'ya ang boses ng pinsang si Hercules. Biglang binundol nang kaba ang kanyang dibdib nang mabatid ang kakaibang timbre ng boses ng pinsan.
"Hercules, bakit?" maagap niyang sagot.
"Ang mama mo...," tila nanghihina nitong tugon sa kanya.
"Damn you! Ano'ng nangyari? Come on, tell me..," ani ni Celina nanginginig ang kanyang kamay habang hawak ang sariling cellphone. Halos hindi magkandauga si Celina nang pumasok siya sa sariling kotse. Dahil sa kanyang panginginig na may halong kaba hindi niya maiayos ang pagpasok ng susi s
