"Ano'ng ibig mong sabihing alam mo?" kunot-noong tanong ni Hercules kay Celina.
"Dahil sa sulat na 'to ni inay," sagot ni Celina kay Hercules at saka inabot sa binata ang sulat ni Felicidad. Maagap iyong kinuha ni Hercules at matamang binasa.
"Where's the necklace?" tanong ni Hercules nang matapos basahin ang napakahabang sulat.
Mula sa bag ni Celina ay kinuha niya ang kwintas. At ipinakita kay Hercules, tigagal ang binata. Confirm, siya nga ang tunay na anak ni Senyora Carolina Del Fuego. Pero ang akala nila'y patay na ang batang iyon, malaking kuwestiyon iyon para kay Hercules. Ano nga bang misteryo ang nangyayari at napunta kay Felicidad ang bata, at ano'ng ibig sabihin nito sa sulat na delikado ang buhay ni Celina?
"Alam kong hindi mo ako kapatid at lalong hindi ako anak ni Mr. S
