HAWAK-HAWAK ni Maya ang bagong silang niyang anak na si Kyle. Ang guwapo nito at talagang may pinagmanahan. Ang tangos ng ilong at ang kinang ng mga mata na katulad lang kay Blight. Pakiwari niya ay maraming titili rito kapag laki. Huwag naman sana.
"If you are tired, just call me!" ani Blight na nakaupo lamang sa sofa habang busy sa pagse-cellphone.
Hindi naman siya pagod dahil tatlong araw pa lang naman ang anak niya simula nang mailabas niya ito sa kaniyang sinapupunan. Hindi pa ito mabigat. Siya na talaga ang pinakamasayang ina sa buong mundo.
"Hindi ako mapapagod dahil anak ko ito. Mapagod man ako o hindi ay kakargahin ko pa rin ang anak natin. 'Di ba, baby Kyle?"
Tiningnan niya ang anak na nakapikit lang. Alam niyang hindi ito sasagot pero nagawa niya pa ring magtanong. Nakapikit
