DARREN POV
Halos malibot na ni Adrian ang buong syudad. Nagbabakasakali na makita si Kiera pero kahit saan pa kami nakarating, kahit malayo na ang napuntahan namin ay hindi pa rin siya nakikita. Habang lumilipas ang mga oras ay mas lalo pa akong kinakabahan. Subra-subra na ang pangamba ko, natatakot ako na baka napano na sila. Hindi ko alam kung ano ang gagawin ko pag may mangyaring masama sa mag-ina ko.
"Tangina mo, Darren. Napakagago mo kasi," mahinang bulong ko at saka muling sinabunutan ang aking ulo. Napayuko ako nang sabay na sumilip si Adrian at Kino sa salamin ng sasakyan.
Ang masamang tingin ni Adrian ay hindi nawawala, nananatili itong galit sa akin hanggang sa mga sandaling 'yon ngunit wala akong pakialam sa nararamdaman nila. Ang isip ko ay pawang umiikot laman
