KIERA POV
"Anong nakakatawa," nakataas ang kilay na sagot ni Darren ngunit mababakas pa rin ang pinipigilan nitong ngiti. Hindi ko na napigilan pa at malakas nang natawa. Ang cute niya lang kasing panoorin habang tila ba hindi niya malaman kung ano ang gagawin sa pagkain na hawak nito.
Pagkatapos niya kasing kunin ang pagkain mula kay Kino ay mabilis din siyang lumapit sa akin at iniabot 'yon. Ngunit nang abutin ko na ito at akma ng kukunin mula sa kanya ay binawi rin niya agad at lumapit siya sa lamesa na dala ang pagkain. At dahil walang plato at kutsara o nang iba pang gamit doon ay ilang sandali rin siyang nakatayo at nakatitig lang sa lamesa na tila ba kinakausap ito habang napapakamot ng kanyang ulo.
"Ano ba ang ginagawa mo, Darren? Nagugutom na ako," pigil ang ngiti kon
