Nakakabingi ang katahimikan sa loob ng sasakyan ni Luan, panaka-naka lamang siyang nasulyap kay Althea na walang imik. Halos nabali na nga ang leeg sa katitingin sa labas ng bintana.
Dalangin ni Althea na wala sanang traffic dahil kanina pa siya naiilang sa mga panakaw na sulyap ni Luan sa kanya pero tila nanadya pa ang pagkakataon dahil kabaliktaran noon ang nangyari. Mas lalong nangunot ang noo niya nang ibaba ni Luan ang bintana nito at tila nagtanong sa sasakyang nakasalubong. Marahil, tulad niya ay naiinip na rin ito sa bagal ng usad ng kanilang mga sasakyan.
"May nagbangaan sa unahan, sir, mga apat sigurong sasakyan," turan ng drayber ng sasakyang pinara nito.
Matapos magpasalamat ay itinaas nito ang bintana at binuksan ang stereo dahilan upang pumailinlang ang isang musiko. Napa
