St. Luke Hospital, BGC
Sa labas ng emergency room ay naroon sina Nanay Tina at Maritoni. Hindi mapakali ang mga mukha. Alalang alala sa nangyari at mangyayari pa ngayong halos apat na oras na silang naghihintay sa ospital. Hindi pa rin lumalabas ang doktor mula sa E.R.
"Diyos ko, iligtas mo po sina Angelo at Magda." taimtim na nananalangin si Nanay Tina na makaligtas ang dalawang taong malapit sa kaniyang puso. Si Maritoni naman ay mugtong-mugto na rin ang mga mata sa kakaiyak.
Lumipas pa ang isang orad ay bumukas ang emergency room at tumambad sa dalawa ang mukha ng doktor na tila hindi rin maipinta ang mukha.
"Dok?" si Nanay Tina.
"Kayo po ba ang pamilya ng mga pasyente?" aniya.
"Amo ko po sila. Mayamaya po ay darating na rin ang pamilya nila. Ligtas na po ba sila?" muling tanong n
