Angelo's Point of View
"AAAAAAAAAHHHH! WAAAAAAAAHHH!"
Nagmamadaling lumabas si Nanay Tina upang tingnan kung bakit ganoon na lamang kung sumigaw si Maritoni sa labas. Ako naman ay agad na binuhat si Gelo at hinawakan sa kamay si Angela upang sumunod na rin sa labas.
Nang bumukas ang pinto ay hindi ko inasahan ang tumambad sa aming harapan.
"KUYAAAAAA!" agad akong niyakap ni Aries.
"Walang hiya ka talaga, Toni! Pinag-alala mo kami dito sa loob. Akala namin kung may masama nang nangyari sa iyo," walang hiya-hiyang pagkukurot ni Nanay Tina kay Maritoni sa harapan namin. Kami naman ay hindi mapigilan ang mapatawa.
"Nay! Tama na po! Nakakahiya kay Aries e," panay naman ang pigil ni Toni sa kamay ni Nanay Tina na panaka-naka ay kinukurot siya.
"Kuya, bakit ba hindi ka nagpaalam sa akin?
