Chapter 14
SHEENA POV
WALA na silang lahat sa k'warto na ‘yon pero hindi ko pa rin magawang kumilos. Hindi ko maramdaman ang pagsisisi na ibinigay ko kay Lance ang sarili ko, pero nagsisisi ako na sinaktan ko lang silang lahat.
Muling namalisbis ang mga luha ko, at parang batang napasigok.
Ilang sandali pa ako sa ganoong estado bago nagpasyang ayusin ang aking sarili.
Nang tangkain kong tumayo ay kaagad akong napabalik sa kama kasabay ng mahinang ungol dahil sa pagsigid ng kirot sa katawan ko, partikular sa gitnang bahagi ng katawan ko. Masakit ‘yon na para bang nararamdaman ko pa rin na naroon ang pagkalalakí ni Lance.
Napahikbi ako, saka pinilit na tumayo. Paika-ikang pinulot ko ang mga nagkalat kong damit na pinaghahagis ni Lance kagabi at isinuo. Pagkuwa'y lumabas na ako ng
