Chapter 18
SHEENA POV
MATAGAL ang halik na pinagsaluhan namin ni Lance. Katunayan na pareho kaming naghahabol ng paghinga nang pakawalan niya ang mga labi ko.
Ilalayo ko sana ang mukha ko sa kaniya pero hindi ko magawa dahil hawak niya ang likod ng ulo ko. Kaya halos maduling ako sa sobrang lapit ng mga mukha namin sa isa't isa.
“L-Lance…” usal ko. Nalilito ako sa nakikita kong emosyon sa mga mata niya.
Naroon ang kaseryosohan,na para bang may gusto siyang tiyakin na hindi ko alam kung ano ‘yon at naroon din ang pagsuyo habang nakatitig siya sa akin.
Gusto ko sanang itanong kung ano ang tila gusto niyang tiyakin pero nawalan ako ng lakas ng loob para itanong ‘yon. Sapat na muna sa akin ang pagsuyong mababanaag sa mga mata niya.
Ilang sandali pang magkahinang ang aming mga mata
