SHEENA POV
HABANG palapit nang palapit ang araw ng kasal namin ni Lance ay palala nang palala ang kaba ko. Katunayan, ilang gabi na akong hindi mapagkatulog kaya sa tuwing papasok sa trabaho ay mukha akong bangag sa laki ng eye bags ko.
Sino bang hindi kakabahan gayong limang araw na lamang at magaganap na ang kasal na hindi ko naman pinlano. Ang bilis ng mga pangyayari at sa totoo lang ay hindi pa rin mas'yadong nagsi-sink in sa utak ko ang lahat. Kaya siguro ganito kalala ang kaba sa dibdib ko.
Sunod-sunod na buntong-hininga ang pinakawalan ko bago inis na bumangon. Sumandal ako sa headboard ng kama habang balot na balot sa kumot. Kanina pa ako nilalamig pero hindi ko mapatay ang aircon dahil kay Rachel na nag-sleepover dito sa bahay ngayon.
Pagka-out namin sa trabaho ay sabay na
