LANCE POV
NANG marinig ko ang malakas na pagtawag ni Sheena sa pangalan ko ay kaagad akong nagkumahog para puntahan siya. Hindi ko na nagawang patayin ang kalan dahil sa pagmamadali ko na puntahan ang asawa ko. Hindi ko maintindihan, biglang sinalakay ng matinding takot ang dibdib ko. Kung para saan iyon ay hindi ko alam.
“Lance! Ma!” Muling tawag ni Sheena.
Halos mangadapa ako sa bilis ng pag-akyat ko sa taas. Akmang bubuksan ko ang pinto ng kuwarto namin nang bumukas na iyon.
“Baby? What happened?” Lalong nadagdagan ang takot na nadarama ko nang makita na umiiyak na ang asawa ko habang tila namimilipit sa akin.
“Anong nangyari? Bakit ka umiiyak, baby? Anong masakit? Sinong umaway sa ‘yo?” Natataranta na sunod-sunod na tanong ko.
Hindi siya umimik. Umiiyak lamang siya habang hi
