VICTORIA
Lumipas ang dalawang linggo . . .
Dalawang linggo na rin pala ang lumipas simula noong araw na kinompronta ako at umalis siya. Inaamin kong nakaramdam ako ng lungkot at sakit dahil doon ngunit niyakap ko ito dahil kapag hindi koi to haharapin ay matatagalan lamang ako na makausad sa aking mga nararamdaman sa kaniya.
Hanggang ngayon ay hindi ko pa nagagalaw ang pera na ibibili ko mismo ng aking cellphone na siyang goal ko noon. Ngunit tila ngayon ay hindi na man lang ako eksayted. Mag-iisang linggo na rin na hindi ko nakikita si Dmitry sa eskwelahan simula no’ng matapos ang University Fest.
Sunday na naman ngayon at hindi ko alam kung ano ang aking gagawin. Wala naman akong maisip na gagawin ngayon dahil natapos ko na rin pati mga homeworks ko at nakapag-aral na rin ako ng mg
