Seventeen
Alam n'yo ba 'yong pakiramdam na kahit bagong sahod ka, hindi mo pa rin magawang galawin 'yong hawak mong pera? Kasi ako damang-dama ko. Gusto ko mang patigilin na si Papang sa paggamit ng perang ipinapadala ng 'asawa' ko pero parang babalik lang kami sa dati naming buhay. Palihim akong nag-iipon. Pakonti-konti para naman kahit papaano may maibayad ako sa taong iyon oras na magkaharap kami. Ang iba sa sahod ko ay ginagamit ko panggastos sa trabaho at sa bahay na rin mismo.
Kumakalam ang sikmura ko at hindi ko maiwasang mapatingin sa mga nadadaanang fastfood chain pero pinigil ko ang sarili ko. Sa kalilingon ko hindi ko napansin ang babaeng palabas na may bitbit na take out. Bumungo ako rito habang ang babae ay napatili sa gulat.
"Halaaa, naku sorry po! Sorry po!" tarantang s
