"HINDI ko maintindihan ang pinagsasasabi mo." Napailing-iling si Brianna, lalong nadaragdagan ang sakit ng ulo.
"Mahina na ako, walang lakas para patuloy na sumilip sa mensahe ng Buwan. Mula nang makita ko si Estel sa aking pangitain, nagkasunod-sunod na ang pagsulpot mo sa aking panaginip. Hindi ka ba nagtataka kung bakit tila pamilyar sa iyo ang lahat?" paliwanag ng matanda.
Yes, everything seemed to be that way. Sasabihin ba niya ang mga panaginip dito, lahat-lahat? Pero hindi nga ba't ang matandang ito ang sadya nila, kaya ngayong naririto na sila, kailangan niyang makuha ang kasagutan sa kanyang katanungan.
"Itanong mo ang nais mong malaman. Dahil pagkatapos ng gabing ito, wala ng ibang makatutulong sa iyo kung hindi ang iyong sarili. Kaming mga Gabay lang at si Selene ang naka-aal
