Patuloy pa rin na nakakatanggap si Samson ng mga mensahe mula sa parehong sender ng mga video na pinapadala sa kaniya noong nakaraan. Iyon ang dahilan kung bakit palagi nalang nasisira ang araw niya.
Palaging wala sa mood si Samson kapag humaharap sa mga kliyente niya o kapag nagkakaroon sila ng meeting. Hindi niya alam kung ano ba ang punto ng sender at patuloy pa rin siyang sinisendan ng mga mensahe.
Ano bang gusto nito na maging reaksyon niya? Talaga bang ipinapamukha sa kaniya na kahit kailan hinding-hindi mapapasakanya si Rania? Alam na ni Samson iyon.
Nang makapasok si Samson sa opisina niya ay pinagbabato niya ang mga bagay na nahahawakan niya. Nagngingitngit ang kalooban niya na para bang gusto niyang manakit ng tao.
Sumalampak si Samson sa sahig ng kaniyang opisina at sapu-sap
