Kinabukasan, walang gana na lumabas si Rania sa kaniyang kwarto. Mugto ang kaniyang mga mata at matamlay ang kaniyang anyo.
Magdamag ata siyang umiyak ng umiyak. Sobrang bigat ng puso niya dahil sa sobrang sakit at pagkadismaya kay Samson. Gusto ni Rania magalit kay Samson ngunit wala rin namang saysay kung gagawin niya iyon. Mukhang wala namang pakialam sa kaniya ang binata. Lantaran nga nitong ibinilandra ang babaeng akay-akay nito.
Hindi niya alam kung bakit ginagawa sa kaniya ni Samson lahat ng yun. Kung bakit sinasaktan siya nito ng todo. Pinaghihigantihan lang ba siya ni Samson sa mga nagawa niya noon?
Biglang binago ni Rania ang kaniyang anyo ng lumabas ang kapatid sa kwarto nito at ngumiti siya ng pilit sa kapatid.
"Good morning kuya." Kunwari ay masayang bati ni Rania sa kapat
