"Gusto mo bang ihatid kita hanggang airport? Wala pa naman akong pasok eh.."
Marahan na umiling si Ivo at napabuntong hininga. Tumigil siya sa pagtipa sa kanyang laptop at binalingan si Akiko na may malungkot na mga mata.
"Baka hindi ako umalis kapag hinatid mo ako.." Natatawa niyang sabi kahit na sa kaloob-looban niya ay mabigat din sakanya ang muling paghihiwalay nila ng dalaga.
Hindi na siya nakarinig ng tugon pa dito kaya tinuloy niya ang pagbili ng ticket online dahil sa ticket na nasayang niya noong nakaraang araw. Matapos iyon mabayaran gamit ang kanyang credit card ay sinave niya ang file at ipi-print na lamang bago siya dumiretso sa airport sa isang araw.
Isinara niya ang laptop at humilig sa sandalan. Nilingon niya muli si Akiko na ngayon ay nakayuko habang nilalaro ang mg
