Excited na ang anak kong si Dylan para sa outing namin kasama ang mga boss ko. Sumakay kami sa isang coaster. Sa dulo kami pumuwesto ni Dylan dahil nahihiya akong sa harapan pa kami umupo. Kasama nila Ma'am Alessandra ang apat nilang anak. Ang panganay na kambal. Sila Lessandro at Leandro at ang bunso nilang kambal. Si Samantha at si Samuel na kamukhang kamukha ni Sir Philippe at ang babae kamukha ni Ma'am Alessandra.
Sa buong biyahe nakatulog kami ni Dylan maaga kasi kaming gumayak kaya kulang ang tulog namin. Si Sir Henry ay nasa tapat namin. Nakakapagtaka naman ang luwang luwang doon sa harap dito pa talaga pumuwesto sa may dulo.
Hindi yata niya kasama ang nobya. Bakit ko iniisip pa iyon wala naman akong pakialaman kung hindi niya kasama? Baka busy ang nobya niya kaya hindi nakasama.
