"Sinabi ko na sa 'yong papalitan ko na ang sasakyan mo. Ayaw mo pa. Napakatigas talaga ng ulo mo."
Nangingiting sinulyapan ko si Tita Malou. Umusog ako palapit sa kanya at humilig sa balikat n'ya.
"Hoy, Gabriella!" Bahagya akong itinulak ng balikat n'ya. "Nagmamameho ako, baka madisgrasya tayo."
"Inaantok pa ako, Tita." Muli akong humilig sa balikat n'ya at hinayaan na lang n'ya ako.
Ipinikit ko ang mga mata at ninamnam ang mainit na pakiramdam na ibinibigay ng katawan n'ya.
May lakad sana si Tita ngayon, ang alam ko ay may pupuntahan s'ya sa probinsya sa Hilaga tungkol sa isa sa naging negosyo nila ng boyfriend n'yang Australyano ngunit ipinagpaliban n'ya iyon para maihatid ako sa eskwelahan.
Nagloko na naman kasi ang sasakyan ko. Hindi pa ako nakakalabas ng lugar namin ay kaagad na
