“Congratulations!”
Maang na napatingin ako sa mga estudyanteng bumati sa akin. Nagtatawanan pa sila at bakas sa mga mukha nila ang matinding kasiyahan.
“Anong meron?” mahinang tanong ko sa sarili. Kalalabas ko pa lang sa library at katatapos ko pa lang mag-research tungkol sa reporting ko sa isang subject.
“Gab!”
Napalingon ako sa paparating na sina Letti. Hindi pa nga lang sila nakakalapit sa akin ay kaagad ko na silang sinalubong at hinila palayo. Mahirap na at baka mapagalitan pa kami ng librarian.
“Anong meron?” tanong ko at inginuso ang ilang grupo ng mga estudyanteng bumati sa akin kanina. May hawak pang poster ang iba sa kanila at pawang mukha ko ang nakabalandra sa mga iyon.
“Hay, nako!” Stress na tumingin sa akin si Sab. “Saang kuweba ka ba nagtago at hindi mo yata narinig
