"Ehem! Ehem!"
Ang nakangiting si Letti ang nalingon ko. Kunwari pa silang walang ginagawa pero ramdam na ramdam ko ang kilig nilang dalawa.
Maayos na ang paa ko kahit na may kaunti pa iyong kirot. Hindi na nga lang ako nakasali sa activity nila kagabi na inabot ng alas dose ng hatinggabi. Hinayang na hinayang ako dahil kahit nasa clinic lang ako ay dinig na dinig ko pa rin ang sigawan nila.
Siguradong nag-enjoy sila samantalang ako ay inip na inip na naghihintay na matapos sila kagabi. Pasado alas dose na kaninang madaling araw nang sunduin ako nina Markiel sa clinic para ihatid sa silid namin.
Hindi ko na nagawang kulitin sina Letti kung ano ang activity na ginawa nila dahil pagod na pagod ang mga bruha. Pagkalinis nila ng katawan ay kaagad na silang nakatulog.
Wala tuloy akong nagaw
