Hindi maganda ang mood ko habang bumabiyahe pero hindi ko piniling magmukmok. Kahit pa nag-iba ang pakiramdam ko sa sinabi ng taksil na si Ricardo ay pinilit kong alisin sa loob ko ang hindi pamilyar na pakiramdam na iyon. Pinilit ko talagang tanggalin ang negatibong pakiramdam na epekto ng mga salita ng buwisit na lalaking ‘yon.
Ilang beses akong huminga nang malalim para kalmahin ang sarili. Pinagalitan ko na rin ang puso ko dahil dinamdam talaga niyon ang masasakit na salita ng nerd na ‘yon.
Ni kahit minsan ay hindi ko pinansin o dinamdam ang mga salitang nagmumula sa ibang tao at ngayong nakakaramdam ako ng negatibo dahil sa mga salita ni Ric ay natatakot ako. Ayokong tuluyan s’yang makapasok sa sistema ko. I need to guard myself more.
Nilibang ko ang sarili sa pakikipagkuwentuhan k
