إختفا،ء البارت السادس
1415 Words
إختفاء
البارت السادس
بقلم/ غادة سعيد
= فكرة ايه ! !
نزلي اعلان علي اي جروب من ال انتي مشتركه فيهم وحطي صورة زين يمكن حد يتعرف عليه ولا حاجه . . . . . .
_ تصدق فكرة حلوة انا ازاي الفكرة دي مجاتش في دماغي ومفتحتش سوشيال ميديا من ساعتها . . . . .
انا هنزل اعلانات ب صورة زين في كل مكان و ان شاء الله حد من اصحابه يشوف الإعلان ويتصل بيا يسأل عليه ولا حاجه . . . . . . . انا همشي دلوقتي و اسيبك بقي تروح الشغل بتاعك . .
مشيت زينه و روحت علي بيتها و اول ما دخلت البيت لقيت مامتها تعبانه اوي و حالتها وحشه . . .. . . .
_ مالك يا ماما في ايه ردي عليا . . . . . .
= تعبانه اوي يا زينه اخوكي فين يا بنتي هموت لو حصله حاجه هموت يا زينه علي اخوكي يا بنتي . . . مفيش اي اخبار عنه النهارده معملتوش حاجه خالص . . .
_ مش عاوزاكي تقلقي خالص يا ماما زين هيبقي معانا في اقل من يومين حضرة الظابط طمني خالص وقالي اننا قربنا نلاقيه . . . . . و إن شاء الله يكون معانا ووسطنا في اقرب وقت . . .
= بجد يا زينه اوعي تكوني عرفتي حاجه عن اخوكي ومخبيه عليا ريحي قلبي يا بنتي حتي لو جراله حاجه . . . . .
_ والله يا ماما ما اعرف حاجه خالص بس الظابط مطمني انه كويس ومجرالوش حاجه لأن مفيش اي جثث ظهرت فالسن ده خالص غير واحده بس و رحت واتعرفت عليه وكمان عملولي تحليل حمض نووي ومطلعناش اخوات . . . . .
= ايه الكلام ده اول مره اسمعه انتي محكيتليش كل ده ليه انتي سيباني هنا يا زينه ومش بتحكيلي اي حاجه وسيباني نايمة علي وداني . . . .
_ مش عاوزه اقلقك يا ماما منا قولتلك انه مطلعش هو دا واحد كان غريق و ميعرفوش هو مين و مطلعش زين بعد الشر عنه يا ماما زين عايش ان شاء الله هتلاقيه واقع في مشكلة بس وهتتحل وهيظهر النهاردة او بكرة . . . . .
انا هدخل دلوقتي انزل اعلان في كل جروبات المفقودين و يارب اوصل ب حد من اصحاب زين . . . . .
دخلت زينة اوضتها تشوف هتعمل ايه . . . . .
فتحت جروب كبير عليه حوالي ٣ مليون حطت صورة زين وكتبت اسمه وانه مفقود من ٣ ايام ولو اي حد يعرف اي معلومة عنه يتصل علي الرقم ده و حطت رقمها . . . . .
تليفونها طول الليل مبطلش رن كلهم ناس بتتصل وتستفسر عاوزين يرغوا من غير فايده والي بيتصل يعا** والي بيستهبل . . . . . ندمت انها حطت رقمها . . . . .
تليفونها رن و لقت شريف بيتصل بيها . . . . .
_ ايوة يا حضره الظابط وصلت ل حاجه . . . . . .
= انا بتصل اتطمن علي والدتك عاملة ايه .. . . . . وانتي عملتي ايه في الي قولتلك عليه حطيتي الاعلان . . . .
_ يارتني ما حطيته تليفوني مش مبطل رن من ساعتها ناس بتستهبل والي بيعا** .. . . . . . .
= انتي بتهزري انتي حاطه رقم مكنتيش تحطي رقمك شيليه والي يعوزك يبعتلك رساله عالماسنجر ولما تعرفي انه بيتكلم جد ساعتها كلميه او حطي رقمي انا . . . . . .
_ لا طبعا مش عاوزه ادوش حضرتك بالمكالمات عشان شغلك ميتأثرش . . . . انا فعلا هشيل رقمي انا معرفش انا حطيته ليه اصلا . . . . . .
قفلت زينه مع شريف و شالت رقمها من البوست وجالها رسايل كتير وواضح ان كلها تعارف . . . . .
بس فيه رساله واحده بس الي لفتت نظرها . . . . واحد كان بيقولها انا عارف طريق اخوكي . . . . . . .
دخلت عالرساله بسرعه . . . ..
_ انت عارف طريق زين بجد عارف طريقه منين . . . . . . .
= من تلت ايام جه واحد آجر مني شقه هنا وهو نفس الصورة والاسم ده وقاعد فيها ومعاه واحده شكلها مراته .. . . . . . .
_ زين مش متجوز اكيد انت قصدك علي حد تاني . . . . . .
= لا انا متأكد انه هو بقولك نفس الاسم انا الي كاتب ال*قد بنفسي لو مش مصدقه خلاص انا بس حبيت اساعدك . . . .
_ انت ساكن فين و فين العمارة دي . . . . . .
= هبعتلك العنوان دلوقتي فالرساله و شوفي هتيجي امتي و قوليلي . . . . . عشان ابقي موجود استناكي في اقرب مكان . .
_ انا هاجي دلوقتي حالا بس تبقي متأكد انه موجود . . . . . .
= اه هو موجود دلوقتي مع مراته لسه طالعين دلوقتي قدامي . . . يلا متتأكريش احسن ينزلو تاني . . . . . .
قفلت معاه بسرعه وقامت تلبس و طلعت ل مامتها قالتلها . . . .
_ شوفتي يا ماما مش قولتلك هنلاقي زين . . . . فيه واحد كلمني دلوقتي و قالي ان زين عنده فالعمارة بتاعته وهروح اجيبه و اجي . . . . . .
= بتتكلمي بجد يا زينه روحي يا بنتي بسرعه وطمنيني انا قاعده مستنيه اهو . . . . . .
نزلت زينه جري وقفت تا**ي واتصلت ب شريف وهي فالطريق . .. . . . . .
_ ايوة يا حضرة الظابط انا لقيت زين . . . . . .
= بتتكلمي بجد لقيتيه فين . . . . . .
_ واحد كلمني قالي انه عنده فالعمارة مأجر شقه ورايحه دلوقتي اشوفه . . . . .
= يعني وراكي صورته او كلمتيه . . . . .
_ لا بس بيحلف انه عنده . . . . .
= انتي مجنونه ده بيكدب عليكي ارجعي يا زينه و اوعي تروحي . . . . .
_ هيكدب ليه بس ايه هيخليه يكدب عليا دا متأكد انه هو ونفس الاسم والشكل .. .. .. . .
= بقولك ارجعي اما اجي معاكي . . . . . .
_ ارجع فين انا رايحه ل اخويا انا مصدقت حد قالي معلومة عنه مش هرجع يا حضرة الظابط انا هبعتلك العنوان ومتقلقش هقول انك انت الي لقيتهولي . . . . . .
= هو انا عشان مين الي يلاقيه انتي مش فاهمه حاجه الي كلمك ده اكيد نيته مش خير وهيعمل فيكي حاجه وانتي صدقتيه عشان عامله زي الغريق الي بيتعلق ب قشاية ارجعي يا زينه بقولك . . . . . .
_ مش هرجع انا قربت اوصل خلاص . . . . . .
= طيب ابعتيلي اللوكيشن بتاعك وهاجي وراكي . . . . . .
قفلت معاه وبعتتله اللوكيشن المباشر عشان يقدر يوصلها في نفس المكان الي هي فيه . . . . . .
وهو ركب عربيته وراح وراها بسرعه عشان حس انها في خطر. . . . . . و الي كلمها ده مش ناوي خير . . . .
وصلت زينه عند المكان واتصلت بالرقم الي الراجل كان كاتبهولها تتصل بيه لما توصل عالعنوان . . . .
_ الو استاذ زياد . . . انا زينه الي كلمتني قولتلي اخويا عند حضرتك . . . .
= ايوة اهلا بيكي يا زينه انتي فين بالظبط . . . . ..
_ انا وصلت للمكان بس مش عارفة فين العمارة بالظبط لو حضرتك تقدر تقولي هي فين او رقم كام وانا هاجي . . . . .
= بصي حضرتك خليكي واقفه مكانك وانا هاجي آخدك . . . .
فضلت واقفه مكانها و شريف كان قرب يوصل عالمكان . . .
لقت شاب جاي عليها . . . . .
_ اهلا يا انسه زينه انا زياد . . . .
= استاذ زياد امانه عليك انت متأكد من كلامك ده . . . .
_ اه طبعا هو يا انسه زينه انا يعني مش هاخد بالي من الشكل طيب والاسم ازاي مش هعرفه . . . . .
= ربنا يطمنك يارب انت رجعتلي روحي و جميلك ده عمري ما هنساه طول حياتي . . . . . .
_ لا دا واجبي يا آنسه . . . مش آنسه برضو . . . .
خدها و طلعوا عمارة . . . .
= هو فالدور الكام بالظبط . . . . .
_ فالدور الرابع الاخير هو قالي عاوز اسكن في اخر دور . . . .
زينه كانت طالعه معاه و قلبها كان مقبوض متعرفش ليه بس كان عندها امل تخبط و زين يفتحلها . . . . .
يتبع
كتابات ل ghada saeed
- Writer
