إختفاء البارت الخامس
1803 Words
إختفاء
البارت الخامس
بقلم / غادة سعيد
دخلوا شريف و محمد بيت استاذ حسيت وفتحوا الكاميرا علي اليوم والساعه الي اختفي فيها زين . . . .
وكانت المفجأه انه ركب مع حد عربيه بس كانت من غير نمر ووشه مش واضح خالص حتي مش باين هو راجل ولا ست . . .
شريف : عربيه مين دي شوفتها قبل كده يا محمد فالمنطقه عندكم . . . . .
محمد : لا والله يا باشا اول مره اشوفها هنا فالمنطقه كلها ولا عمري شوفت بيركب عربيات مع حد حتي اصحابه الي بيجوله مبيكونوش راكبيين عربيات خالص دا اكيد الحد الي كان بيكلمه و رايحله كان جاي ياخده او تاخده مهو مش باين خالص دا راجل ولا ست الكاميرا دي مش اتش دي . . . . . . .
عم حسين : علي قدنا بقي انا جايبها عشان اخلي بالي من عربيتي مش عشان اتابع وشوش الناس . . . . .
شريف : شكرا يا عم حسين تعبناك معانا . . . . . .
نزلوا تحت وبدأوا يتكلموا . . . . . .
_ ايه يا شريف باشا هنعمل ايه دلوقتي . . . . . . .
= والله يا محمد الموضوع كل شويه يتعقد اكتر من الأول كل ما اقول هوصل ل طرف الخيط الي هيحل القضية كلها برجع لنقطه الصفر من تاني . . . . . . عارف انت لو كان ركب اي ميكروباص او اتوبيس كنت هوصل ل حاجه و هدور . . . . بس دا راكب عربيه ومن غير نمر كمان وواضح انه رايح ب إرادته يعني مش مخطوف ولا مغصوب بدليل انه ركب العربيه وهو بيضحك اوي . . . . . . معندكش شك يكون طفش مع واحده عارفها . . . . . . . ولا انت علاقتك بيه مش اوي كده . . . . .
_ والله يا باشا احنا كلامنا كان عالقد اوي يعني سلام عليكم عليكم السلام نقف نتكلم شويه في كلام عادي بس هو من طريقه كلامه بتوضح انه محترم مش بتاع كده وبعدين دا مره قالي ان مامته بتتحايل عليه يتجوز و هو الي كان رافض وقال مش هتجوز قبل ما زينه اختي تتجوز الاول . . . . . .
كان بيخاف عليهم اوي دنا اول مرة اتكلم مع زينه من اول ما فتحت المحل كان مانعها تنزل ولا تكلم حد وهما بيت محترم كلهم . . . . . . دا مكنش بيسيب فرض . . . . . . لا يا باشا موضوع انه راح مع واحده ده مستحيل يدخل دماغي خالص . . . . . . زين مش بتاع الكلام ده خالص . . . . .
= انا مش هستبعد حاجه في ناس كتير بتبين ع** الي جواها وسهل جدا انك تصدقهم واكيد فيوم هتحس معني كلامي ده . . . . . .
_ طيب يا باشا انا هروح انا افتح المحل توؤمرني ب اي حاجه تانيه . . . . . انا فالخدمه في اي وقت . . . . .
= لا يا محمد شكرا اكيد لما احتاجلك هقولك . . . . .
مشي محمد وشريف قعد فالعربيه يشرب سيجارة وحاسس محاله من اليأس وبقي يفكر ان دي اول قضيه تعمل معاه كده ازاي مفيش اي طرف خيط يمسكه . . . . اكيد فيه حل . . . .
زينه كانت قاعده مع مامتها بتحاول تواسيها وهي جواها وجع يكفي الدنيا كلها بس لازم تبين ع** ده ل مامتها لأنها مريضه . . . . . كانت بتديها شويه امل ان زين هيرجع وهي كانت فاقدة الامل . . . . .
مسكت زينه تليفونها واتصلت ب شريف . . . . .
_ سلام عليكم . . . . برضو مفيش اي اخبار يا حضرة الظابط . . . . . انا اسفه اني كل شوية اتصل بيك بس انا بدأت افقد الأمل . . . . . زين خلاص مش هاشوفه تاني . . . .
= اوعي تفقدي الأمل يا زينه ان شاء الله هلاقيه بس امسك طرف الخيط وكل حاجه هتبقي كويسه . . . . . .
المهم انا عاوز اقابلك عشان اتكلم معاكي في حاجات تخص زين ضروري انتي فاضيه دلوقتي انا قريب منك اصلا اعدي اخدك ؟ . . . . . .
_ انا ورايا ايه يعني يا حضرة الظابط خمس دقايق و هكون جاهزه . . . . . .
لبست زينه بسرعه و نزلت عشان تقابل شريف تشوف عاوز يسألها علي ايه . . . . .
وهي نازلة مامتها سألتها . . . .
_ رايحه علي فين يا زينه . . . .
= رايحه اقابل حضرة الظابط يا ماما عاوز ياخد شوية معلومات مني كده علي زين . . . . .
_ ماشي يا بنتي امانه عليكي لو وصلتي ل حاجه بخصوص اخوكي تبلغيني انا قاعده علي اعصابي والله . . . . . .
= حاضر يا ماما ادعيلي انتي بس . . . . . .
نزلت زينه و شريف خدها قعدوا علي كافيه . . . .
_ خير يا حضرة الظابط وصلتوا ل حاجه . . . . .
= مش بالظبط انتي تعرفي العربيه دي بتاعه مين . . . . .
وطلعلها موبايله وراها صورة العربية الي كان مصورها من كاميرة الاستاذ حسين . . . . .
_ لا معرفهاش اول مرة اشوفها ايه علاقتها ب زين العربيه دي . . . . . .
= دي اخر عربيه اخوكي ركبها مع حد و كانت من غير نمر كمان . . . . والواضح عليه انه كان راكب ب إرادته يعني محدش غصب عليه . . . . انتي متترفيش حد من طرف اخوكي خالص ولا كان ليه علاقه مع واحده مثلا يكون راح معاها في اي مكان . . . . . .
_ مستحيل زين يسيبنا ويمشي بس هو اه كان بيحب واحده من سنتين كدهو راح اتقدملها و اهلها رفضوا عشان ظروفه كانت وحشه بسبب مصاريفنا لانه هو الي بيصرف علينا . . . .
= طيب ما يمكن يكون هرب معاها مثلا بعيد عشان اهلها ميعرفوش طريقهم و راحوا يتجوزوا . . . . . . .
_ دا اخويا وانا عرفاه عمره ما يعمل حاجه زي كده وبعدين مهو عارفها من سنتين ايه الي يطلع في دماغه انه يهرب معاها . . . .
= الحب بيعمل حاجات متتخيليهاش اسأليني انا . . . . .
_ ليه وانت عملت ايه بقي قبل كده بسبب الحب . . . .
= معملتش حاجه هو انا فاضي اشوف اهلي تقوليلي احب . . .
_ ههههه ضحكتني والله وانا مليش نفس اضحك امال ليه عاملي فيها روميو وتقولي اسأليني انا . . . . . .
= بحاول ابقي عميق شويه بس مش عارف . . . . . المهم انتي عارف بيت البنت دي . .. . . هنروح نقف تحت البيت ولو مكنتش موجوده يبقي هو معاها . . . .
_ اه طبعا عرفاه منا كنت معاه وهو بيتقدملها . . . .
خدها و راحوا تحت بيت ليلي الي زين كان بيحبها . . . . .
وقفوا تحت البيت و سمعوا صوت قرآن بصوت عالي زي ما يكون في عزا عندهم فالعمارة . . . . .
_ انا قلبي مش متطمن يا حضرة الظابط انا هطلع اشوف مين الي مات . . . . . .
= استني انا حاسس ب حاجه كده هما اهلها ممكن يعلوا عزا ليها عشان هربت مثلا فا اعتبروها ماتت . . . . .
_ ايه الافلام العربي دي يا حضره الظابط انا هطلع اشوف في ايه . . . . وهنزل ابلغك علي طول . . . .
= طيب استني انا جاي معاكي . . . .
_ لا طبعا مش هينفع بلبسك ده جايز ميكنش ليهم دعوة ب اختفاء زين و تكون متعرفش حاجه عنه من ساعه الي حصل . . . . عشان ميبقاش منظرنا وحش بس . . . .
= ماشي بس متتأخريش . . . .
_ حاضر معلش انا تعباك معايا وعارفه اني متقله عليك . . . .
= لا متقوليش كده المهم يجي كل ده ب فايده بس . . . .
طلعت زينه علي السلم شايفه ناس كتير لابسه اسود وفعلا العزا جاي من شقه ليلي . . . . . .
لقت ناس طالعه تعزي وقفتهم علي السلم . . . . .
_ في ايه يا جماعه مين الي مات . . . .
= الحاج ابو ليلي بيصحوه لقوه مش بيصحي الله يرحمه . . . .
قعدت تفكر انها واجب عليها تطلع تعزي ليلي و لو عارفه حاجه عن زين اكيد هتقولها يعني . . . . .
دخلت البيت لقت ليلي ومامتها منهارين ومش مصدقين انه مات في لحظه . . . . . .
ليلي استغربت جدا لما شافت زينه اكيد كانت بتقول ايه الي فكرك بيا بعد سنتين . . . . .
راحت زينه قعدت جنبي ليلي وقالتلها . . . .
_ البقاء لله انا كنت معديه هنا بالصدفه وسمعت صوت العزا طلعت اعمل الواجب . . . . .
= و نعم بالله شكرا يا زينه طول عمركم اصحاب واجب . . . .
زين مجاش معاكي . . . .
_ لا . . . .
= مالك يا زينه حاسه انك مش طبيعيه . . . .
_ خلاص انتي فيكي الي مكفيكي مش هتقل عليكي اكتر . . . .
= فيه ايه يا زينه زين جراله حاجه ولا ايه . . . .
_ زين مختفي من تلت ايام وكنت جايه علي امل تكوني عارفة ليه اي طريق انا قولت انتي الامل الوحيد ليا . . . . .
= زين من ساعه ما اتقدملي وبابا رفض احترم رغبه بابا وبعد عني نهائي حتي لما كنت بكلمه انا من وراه كان بيقولي مش هقدر اكلمك وانا اهلك مش موافقين عليا . . . .
زين انسان مفيش زيه فالدنيا . . . . بس هيكون راح فين انتي قلقتيني عليه . . . . سيبيلي رقمك و افوق من الي انا فيه وهكلمك علي طول . . . . . .
نزلت زينه من عند ليلي و شريف كان واقف قدام العربيه . . . .
_ لو مكنتيش نزلتي دلوقتي كان زماني طلعتلك . . . .
= طلع مفيش اي حاجه من الي بتفكر فيه ليلي فوق ومتعرفش حاجه عن زين بقالها سنتين و باباها هو الي اتوفي . . . .
بس سيبتلها رقمي يمكن تدلني علي حد من معارفه او اصحابه ولا حاجه يارب نوصل لحاجه بس . . . . قالتلي هتفوق من الي هي فيه و هتكلمني . . . . .
_ طيب كويس ان شاء الله خير . . . هتعملي ايه دلوقتي انا لازم اروح القسم عشان محتاجني هناك ضروري . . . . .
= معلش انا عطلتك عن شغلك . . . . انا هكمل تدوير في المستشفيات وهسأل الناس فالشارع مش هقدر اروح ل ماما النهارده كمان وانا موصلتش ل اي معلومة عن زين . . . .
_ طيب انا عندي فكرة احسن من ده كله . . . .
يتبع . .
كتابات ل ghada saeed
- Writer
