إختفاء البارت الرابع
1247 Words
إختفاء
البارت الرابع
بقلم / غادة سعيد
_ انا هحاول اراجع كل الكاميرات الي حواليكم يمكن اوصل ل حاجه . . .
= كل الي فالشارع هنا ناس غلابه مفيش عندهم كاميرات . . .
_ بس اكيد الناس الي في الشارع من بره عندهم مبقاش فيه محل كبير مش مركب كاميرات في البلد كلها كله بيركب عشان حوادث السرقه الي انتشرت دي . . . بس سيبيني الاول اتكلم مع الناس الي فالشارع دي شويه . . . .
دخل اول حاجه عند محمد وانا كنت معاه وقالي . . . .
_ ممكن تسيبينا لوحدنا شويه يا زينه . . . .
طلعت بره والناس قعدت تسألني هو في ايه . . . .
وشريف و محمد كانوا بيتكلموا مع بعض جوه . . . . .
_ انت اسمك ايه بقي . . . .
= اسمي محمد يا باشا فاتح محل موبايلات هنا من سبع سنين اوؤمرني اقدر اساعدك ب حاجه . . . . . .
_ اخر مرة اتكلمت مع زين امتي يا محمد و شوفته . . . . .
= شوفته من تلت ايام كان نازل من العمارة و ماسك التليفون بيتكلم فيه وبيضحك وشاورلي و مشي دي اخر مره شةفته فيها و ملحقناش نتكلم خالص شكله كان مستعجل ووراه مشوار ضروري . . . . .
_ وانا و هو اصحاب من زمان بتخرجوا مع بعض و بتنزلوا و كده وتعرف اصحابه الي بينزل معاهم كل يوم دول . . . .
= لا يا باشا انا وهو اصحاب فالمنطقه كده من بعيد لبعيد لكن انا معرفش اصحابه الي بينزل معاهم كل يوم دول . . . . احنا اخرنا نقف مع بعض هنا فالشارع نتكلم مع بعض يجيلي المحل يقعد شوية معايا كده لكن انا معرفش تفاصيل حياته او الخصوصيات بتاعته دي بس يا باشا هو ده الي اعرفه عن زين . . . . . . بس زين كان انسان محترم و ماظنش ان فيه حد بيكرهه او انه طفش و ساب اهله . .. . .
_ طيب يا محمد لو عوزت حاجه هرجعلك تاني . . . . .
= تؤمرني يا باشا في اي وقت . . . . .
طلع من عند محمد لقي زينه واقفه بره والناس ملمومه حواليها عمالين يسألوها و هي تعيط . . . . . .
_ ايه يا جماعه اللمه دي يلا كل واحد يروح علي بيته وانا لو احتجت حاجه من حد هبقي آجي اسأله بنفسي . . . . . .
في ايه كانوا بيقولولك ايه . . . . .
= بيسألوني عن زين و بيسألوني لو كنت وصلت ل اي حاجه بخصوصه . . . . .
زينه خدت شريف عشان تطلع عند مامتها يمكن يطمنها شوية وهما داخلين العمارة وقفتهم الحاجه مني . . . . . .
_ طمنيني يا زينه وصلتي ل حاجه لقيتي زين . . . . .
= لا والله يا حجه ادينا بندور في كل مكان من غير اي فايده . . . . . معايا حضرة الظابط شريف اهو واقف جنبي وبيساعدني كتر الف خيره من ساعه ما عرف مش سايبني . . . . .
_ ربنا يكتر من امثالك يابني انت متعرفش زين دا غالي عندي ازاي . . . . اليوم الي اختفي فيه ده كان نازل بيضحك وهو بيتكلم فالتليفون شكله كان بيكلم حد عزيز عليه اوي انا بقالي كتير مشوفتوش وهو بيكلم حد و فرحان كده . . . . .
ربنا يقرب البعيد يارب . . . . .
= احنا هنطلع دلوقتي ل ماما عشان حضرة الظابط يديها اي امل عشان حالتها صعبه اوي . . . . .
طلعوا فوق و فتحت الباب بالمفتاح و اول ما الباب اتفتح مامتها قعدت تنادي . . . . .
_ يا زين انت جيت يا حبيبي يا زين انت فين يابني . . . . .
= انا يا ماما جيت . . . .
_ لقيتي اخوكي يا زينه ولا عملتي ايه . . . .
= حضرة الظابط جاي يتكلم معاكي شويه . . . . .
_ خليه يتفضل يا بنتي . . . . . .
دخل زين و شاف حالتها كانت صعبه اوي من كتر العياط عنيها داخله ل جوة . . . . . .
_ اهلا يابني شرفت و نورت اعذرني مش قادرة اقوم والله رجلي مش شيلاني شكلي هموت قريب . . . . .
زينه : متقوليش كده يا ماما بعد الشر عنك . . . . .
شريف : انتي الخير والبركه يا امي انا مش عاوزك تقلقي خالص انا مش هيرتاحلي بال غير لما اعرفلك زين راح فين هتبقي دي قضيتي اليومين دول انا بس عاوزك تجمدي كده و تقفي علي رجلك وتقومي تاكلي لقمه امال مين الي هيستقبل زين لما يجي . . . . . .
و لأول مرة من ساعه ما زين اختفي حد يقدر يرسم الضحكه علي وش مامت زينه . . . .. .
وقام قال ل زينه تحضر اي اكل خفيف عشان يخليها تاكل لأن حالتها صعبه اوي ومرضاش يمشي غير لما يتأكد ان زينه ومامتها كلوا بعد يومين من عدم الاكل نهائي . . . .. .
وهو ماشي و زينه بتوصله قالتله . . . . . .
_ انا متشكرة اوي يا حضره الظابط مش عارفه من غيرك كنت هقنع ماما ازاي تاكل . . . . . . .
= لا شكر علي واجب انتي خلي بالك منها وانا هنزل اشوف هعمل ايه . . . .
نزل شريف علي تحت يشوف هيبدأ منين وهيعمل ايه دخل عند محمد وطلب منه انه يساعده ويجي معاه . . . . . .
محمد ممانعش خالص بالع** رحب بالفكرة جدا لأنه عارف المنطقه دي كل مكان فيها . . . . .
_ انا عاوزك تقولي هو لو حد عاوز يركب مواصلات بيركب منين بالظبط . . . . . .
وداه الموقف الي بيتركب منه وقاله . . . . .. .
_ اي حد فالمكان هنا بيعوز يروح اي مكان بيركب من هنا . . . .
بص شريف حواليه ملقاش غير محل واحد بتاع سوبر ماركت علي امل انه يلاقي عنده كاميرا دخل السوبر ماركت . . . . .
_ سلام عليكم . . . .
= عليكم السلام يا باشا اوؤمر . .. . .
_ الامر لله في عندك كاميرا هنا فالمحل . . . . . .
= لا والله ياباشا هركب كاميرا ليه هو انا عندي ايه اركب عشانه كاميرا . .. . . . . بس لو حضرتك عاوز كاميرا فالمربع دا العمارة الي قصادنا دي في واحد الي فالدور الاخير ده جايب عربيه جديده فا مركب كاميرا بقاله اسبوع من كتر خوفه عليها . . . . خير يا باشا حضرتك بتدور علي حاجه . . . . .
_ بندور علي واحد مختفي بقاله ٣ ايام كده واكيد ركب من الموقف الي هنا دا .. . . . متعرفش اسمه ايه الي مركب كاميرا ده . . . . .
= اسمه استاذ حسين اطلعله دا لسه راجع من الشغل شوفته طلع بيته . . . . . .
خد محمد وطلعوا علي فوق خبطوا علي استاذ حسين . . . .
_ سلام عليكم . .. . .
= عليكم السلام اوؤمر يا باشا في حاجه . . . . .
_ لا والله احنا اسفين للإزعاج كنت عاوزين نراجع الكاميرا بتاعتك بس . . . . .
= ليه هي الكاميرا مخالفه في حاجه يا باشا . . . .
_ لا انت فهمت غلط انا بدور عن واحد مختفي وانت الوحيد الي مركب كاميرا فالمكان هنا . . . . .
طبعا يا باشا اتفضل . . . . .
يتبع
كتابات ل ghada saeed
- Writer
