ISA sa palihim na ikinatutuwa ni Candy kay Mhorric, iyon ay ang pagiging genuine ng saya rito habang nasa kanila ito. Lalo na nang ipakilala niya ito sa mga kapatid niya. Higit pa ang tuwa rito nang makita sa personal si Aivan na hindi man lamang nag-iiyak kay Mhorric nang laru-laruin nito habang nasa duyan. Sa halip ay panay pa ang ngiti.
“Ate, sabi ni Avery, boyfriend mo raw po ‘yang guwapo nating bisita. Totoo po ba?” bulong pa sa kaniya ni Henrick nang lapitan siya nito. Ika-apat niya itong kapatid.
“Hindi,” mariin niyang sagot dito.
“Hindi pa,” pang-aasar pa nito sa kaniya.
“Henrick, ha?” saway niya rito.
Doon na rin kumain ng hapunan si Mhorric, kasabay nila ito sa hapagkainan. Ang Nanay Rose niya ay nagluto pa ng sinigang na baboy dahil may bisita sila. Halos mapigil pa ni Cand
