Monica's P.O.V.
Napabilib ako ni Wilder sa galing niyang maghugas. Talagang malinis at binabanlawan niya ng maigi ang mga hinugasan niya. Akala ko nga magrereklamo na siya nang matira na lang ang mga kaldero at kawali. Pero wala siyang reklamo. Talagang naghugas siya ng mga ito. Gusto ko ngang matawa dahil nauto ko siya. Nagawa ko siyang paghugasin pero kailangan kong magpanggap na medyo malungkot.
"Hoy, Monica! Bakit mo pinaghugas si Wilder?" natatawang bulong sa akin ni Kakay.
"Ay hayaan mo siya. Hindi ko naman siya inutusang maghugas eh. Siya ang kusang naghugas diyan. Eh makulit. Gustong matutong maghugas kaya ayan, pinagbigyan ko lang," nakangising sabi ko.
Muling tumawa si Kakay. "Pasaway ka talaga! Halata sa galaw niya na mayaman siya at walang alam sa ganiyan pero pinaghugas mo
