Wilder's P.O.V.
"Mukhang napapadalas na yata ang pagpunta mo sa bundok?" nakangising tanong sa akin ni Shaun.
Tumaas ang kilay ko. "Ha? Anong bundok ang pinagsasabi mo diyan?" takang tanong ko.
"Doon sa lugar ni Monica. 'Yong babaeng kinahuhumalingan mo ngayon," wika niya sabay tawa.
Malakas akong tumawa. Anong sinasabi niyang kinahuhumalingan kong babae? Si Monica? Ang babaeng maasim? Maganda sana kaso maasim. Sabagay, siguro dahil sa pagiging masipag niya sa trabaho kaya maasim siya.
"Huwag ka ngang magpatawa, Shaun. Wala pa akong babaeng kinahuhumalingan. At hindi ko kinahuhumalingan ang maasim na babaeng 'yon," mariing kong sabi sabay iwas ng tingin.
Tumawa siya sabay palakpak. "Wow! Maasim talaga? Baka mamaya hanap- hanapin mo ang amoy niya. Baka hanap- hanapin mo ang maasim na
