Monica's P.O.V.
"Monica...naalala mo ba iyong pinsan kong si Dustine?" sabi sa akin ni Wilder habang nasa store kami.
Day off ngayon ni Jessa kaya naman nandito si Wilder ngayon sa store kasama ko. Tutulungan niya raw ako sa mga gagawin ko dito. Ewan ko lang talaga kung matutulungan niya ako dahil hindi ko naman alam kung kaya niyang gawin iyon. Para kasing magiging panggulo lang siya sa akin dito.
"Oh bakit? Anong mayroon sa pinsan mong 'yon? Para siyang adik 'no? Lubog kasi iyong pisngi niya. Pero hindi naman siya pangit. Mga guwapo naman kayong lahat. Ikaw lang talaga ang pinakaguwapo," sabi ko sa kaniya sabay kindat.
Sumilay ang ngiti sa kaniyang labi at saka siya napakamot sa kaniyang ulo. Mukhang kinikilig na naman yata ang lalaking 'to. Ang cute niya kapag kinikilig. Humahaba an
