Monica's P.O.V.
Abala ko sa pagluluto ng takoyaki nang may isang guwapong customer ang bumili sa amin. Napanganga pa nga ako dahil ang guwapo niya talaga. Siniko ko si Jessa kaya naman nanlaki ang kaniyang mga mata.
"Twelve pieces nga crab at veggies," sambit ng lalaki sabay ngiti.
"Okay po, Sir..." sabi ko naman at saka inihanda na ang order niya.
"Ang guwapo niyo naman, Sir! Single pa po kayo?" biglang sabi ni Jessa na ikinagulat ko.
"Hoy! Loka ka anong pinagsasabi mo diyan! Magtigil ka nga, Jessa!" suway ko naman kay Jessa.
Tumawa naman ang guwapong lalaki. "Yes, I'm single and ready to mingle," sabi nito sabay kindat.
Natawa naman ako. Mukhang playboy ang isang 'to dahil may pagkindat- kindat pa talaga. Ibang klase talaga ang mga guwapo ngayon. Parang iyon ang ginamit nila para
