PAGDATING NI NATHAN sa Villa ay bigla siyang kinabahan, dahil sa takot niya sa sariling mga anak. Palinga linga pa siya sa loob at hinahanap ng kanyang paningin sina Nixon at Noah. Ngayon siya labis na nagsisi, dahil sa mga kagaguhan niya. Hindi naman niya masisi ang dalawang paslit, dahil sila mismo ang naka saksi, kung ano ang kanyang ginawa. Matatalino din ang kanyang mga anak at kahit magli-limang taon gulang pa lamang ang mga ito ay marurunong na silang lumaban. Lalong lalo na si Nixon, dito niya nakikita ang kanyang sarili noong bata pa siya.
Dahil sa tahimik ang unang palapag ng Villa ay naisip niyang baka nasa itaas ang kanyang dalawang anak, at baka kasama nila ang kanilang Kuya Nate sa loob ng kuwarto.
Pumanhik si Nathan sa itaas upang tingnan ang mga anak niya. Parang nanabi
