DALAWANG ARAW nang nasa Villa sina Nixon at Noah. Ngunit hindi parin sila malapitan ni Nathan. Sa tuwing makikita nila ang kanilang ama ay inaaway nila ito o kaya ay binabato. Wala naman nagawa si Nathan, kun'di tiisin ang galit ng mga anak niya sa kanya.
Naisipan din niyang mamili ng mga laruan para sa mga bata, dahil sa pag aakalang mapapangiti niya ang mga ito. Pauwi na siya kanina ng maisipan niyang dumaan sa Toy Store. Napakarami niyang binili at pati damit ng mga bata ay bumili din siya.
Dalawang kamay din niya ang may bitbit ng mga shopping bag na pumasok sa bahay. Nadatnan niyang kumakain sina Nixon at Noah sa Dinning room, kaya pinuntahan niya ang dalawa sa hapag kainan.
"Hello little buddies. May dalang toys si Daddy para sa inyo..." masayang pagbati niya sa dalawa.
Ang s
