HAPON NA NAKABALIK sa Resthouse sina Nathan at Samantha. Nanguha din silang dalawa ng mga crabs sa may mga bato. Tuwang tuwa naman si Samantha, dahil marunong palang manguha ng crabs si Nathan. Hindi niya kasi inasahan na ang isang laki sa yaman na lalaki ay marunong manguha ng crabs. Alam na alam din ni Nathan, kung saan niya kukunin ang mga alimango.
"Hindi talaga ako makapaniwala na marunong kang manghuli ng crabs. Paano mo natutunan ang lahat ng yun?" tanong ni Sam sa lalaki, habang nag iihaw silang dalawa ng crabs na kinuha nila.
"Kay Dad. Siya ang nagturo sa akin. Pero ang magaling talagang manguha ay si Nanay. Si Nanay daw ang nagturo kay Dad, kung paano ang pagkuha ng mga crabs at oyster." sagot naman ni Nathan. Naalala din niya ang malaking bato sa gitna ng dagat, malapit sa re
