TATLONG ARAW NA ang lumipas simula noong nangyari ang kaarawan ng kasintahan niya. Sa totoo lang, hindi niya maipagkakaila na naninibago siya na wala na siya sa poder ng pamilya niya. Nangungulila na siya sa mga ito pero kailangan niyang panindigan ang landas na pinili niya. Kaya kahit anuman ang mangyayari, magpapakatapang siya.
Nangungumusta na siya sa mga kapatid niya pero wala siyang sagot na nakuha mula sa mga ito. Pero kahit galit ang mga ito sa kaniya, naiintindihan niya iyon. May kamalayan siya na mali talaga para sa mga ito ang ginawa nila ng kasintahan niya. Para sa mga ito, tiyuhin niya ito.
Napag-alaman niya na galit ang lola niya sa kanilang dalawa ni Hiro. Hindi niya rin ito masisisi lalo pa at totoong anak nito si Hiro at lola niya ito. Kahit gaano pa kagalit ang lola niya
