REIGHN SELESTINE
“Lutang ka na naman,” sabi sa akin ni Kian na bigla na lang sumulpot sa tabi ko.
“Sino ang lutang? Ako ba?” Tanong ko sa kanya.
“Oo, ikaw. May iniisip ka na naman ba?” tanong niya sa akin.
“Gusto mo bang malaman kung ano ang iniisip ko?” nakangisi na tanong ko sa kanya dahil gusto ko siyang asarin.
“‘Wag na,” sabi niya sa akin.
Tumawa ako dahil ang cute talaga ni Kian magtagalog. Sinusubukan niya talaga dahil hindi ko siya kinakausap kapag hindi tagalog ang salita niya. Ang cute ng accent niya pero naiintindihan ko naman dahil buo.
“Why? Sabi mo lutang ako at may iniisip ako. Kaya sasabihin ko na lang sa ‘yo.” sabi ko sa kanya dahil bigla na lang siyang sumimangot.
“What is it? Tungkol na naman ba ‘yan sa tinanong mo sa akin noong nakaraan.” tanong niya sa akin.
