Chapter 12
Ksenia's POV
Pagkatapos kong tulungan sa mga gawaing bahay si Mama at makapagpahinga nang sapat ay naligo na ako at nagbihis. Simpleng kulay-mustard long sleeves at kulay-beige na palda ang pinili kong suotin. Nag-a-apply na ako ng face powder nang may kumatok nang paulit-ulit sa pinto.
"Ksenia... Dumating si Lander. Nasa ibaba ito at hinihintay ka," aniya habang patuloy sa pagkatok.
Nagmamadali kong itinago ang mga gamit kong pampaganda. Ayaw kong madatnan ako ni Mama na nag-e-effort mag-ayos sa taong kakikilala ko lang. I have no idea how will she react. Baka magalit siya o baka magtaka. Ilang beses na rin naman akong nagka-crush. May mga bagay na gusto kong i-share sa kaniya katulad na lang nito. Gusto kong magpa-advice sa kaniya tungkol sa puppy love na tinatawag. Sobran
